Ótrúlegur snúningur á viðskiptajöfnuði

Viðskiptajöfnuðurinn árin fyrir hrun var neikvæður um hundruði milljarða. Nú hefur þetta snúist við og viðskiptajöfnuðurinn er jákvæður mun meira jákvæður heldur en maður hefði búist við.

Það getur tekið allt að tveim árum að gera upp hvert ár þar sem tölur eru lengi að mjatlast inn.

Samkvæmt nýjustu tölum þa var viðskiptajöfnuðurinn jákvæður 2009 um 52 milljarða. Fyrstu sex mánuði þessa árs er viðskiptajöfnuðurinn jákvæður um tæplega 20 milljarða.

Þetta eru ótrúlegar tölur og vekur furðu hvað fjölmiðlar fjalla lítið um þetta. Þegar fjölmiðlar segja frá erlendri stöðu þjóðarbúsins hafa þeir oft með reiknaða stöðu gömlu bankanna. Sú staða gefur ekki rétta mynd og kemur okkur lítið við í dag og mun réttara er að taka gömlu bankanna út.

Viðskiptajöfnuðurinn er búin að vera jákvæður fyrstu sex mánuði 2010 um tæplega 20 milljarða þrátt fyrir eldgosið sem eyðilagði fyrir okkur ferðamannaiðnaðinn fyrstu mánuði ársins.

Undirstöðuatvinnugreinarnar löskuðust ekki neitt við hrunið heldur hafa frekar styrkst.

Þær greinar sem eru að skaffa okkur þennan jákvæða viðskiptajöfnuð eru í grófum dráttum þessar:

Matvælaframleiðsla (sjávarútvegur) 28%
Stóriðja 25%
Ferðamennska 25%
Hugverkaiðnaður 22%

Hér er hlekkur á skjal frá SÍ fyrir áhugasama að skoða. Kíkið á línu 69 til að sjá viðskiptajöfnuðinn án áhrifa gömlu bankanna.

http://www.sedlabanki.is/lisalib/getfile.aspx?itemid=1739

Hrein skuldastaða þjóðabúsins er 561 milljarður hægt að skoða það í línu 70 í þessu skjali

http://www.sedlabanki.is/lisalib/getfile.aspx?itemid=1735

Enn afgangur af vöruskiptum

Athugasemdir

[Loftur Altice Þorsteinsson, 31.8.2010 kl. 10:36]

Það er rétt hjá þér Þórhallur, að fremur ber að horfa til viðskiptajafnaðar en vöruskipta. Hins vegar er margt að forðast í svona töflum og til dæmis eru engar forsendur til að undanskilja gömlu bankana, fremur en álverin.

 

Eitt af vandamálunum við þá skýrslugerð sem almenningi er boðið uppá, er að notkun Krónunnar í bullandi verðbólgu gerir samanburð á milli ára, ómarktækan. Þessar skýrslur ættu auðvitað að sýna hagstærðirnar í raunverulegum verðmætum, það er að segja í erlendum gjaldmiðli.

 

Hjá Seðlabankanum, bendi ég  á liðina Greiðslur í vanskilum (lína 63) og Skekkjur og vantalið (lína 53). Það er ekki beinlínis traustvekjandi, að sjá þessa liði svona háa.