Vonlaus staða og vonlaust að við getum greitt þetta

Samkvæmt fréttum um daginn þá kom fram að innistæður á Íslandi væru um 1650 milljarðar. Miðað við stýrivaxtastefnu SÍ má gera ráð fyrir því að meðalvextir sem innistæðurnar bera séu um 8 %

Hluti af innistæðunum er föst inni í bönkunum vegna hárra vaxta. Engin hefur efni á því að taka lán á þessum kjörum og því er þetta beinn kostnaður á ríkið þegar bankarnir geta ekki endurlánað féð á hærri vöxtum.

Miðað við 8 % vexti af 1650 milljörðum þá þarf ríkið að greiða  um 132 milljarða í vexti af innistæðunum á ári.

Nú er komið í ljós að ríkið þarf að greiða 36 milljarða á ári vegna lána IceSave. 

Samtals gera þessir tveir þættir 168 milljarða í vaxtagreiðslur á ári fyrir ríkissjóð.

Þótt við sleppum öllum öðrum skuldbindingum ríkissins er ljóst að við getum engan vegin greitt alla þessa vexti. Það eina sem gerist er að höfuðstóll lánanna hækkar og hækkar án þess að við getum nokkurntíman greitt hann niður.

Staðan er vonlaus miðað við þetta. 

Engin Icesave-greiðsla í 7 ár