Hvað voru stjórnvöld að hugsa ?

Stjórnvöld réttu brennuvörgunum eldspíturnar til þess að kveikja í Íslandi. Bankarnir voru einkavæddir án þess að nokkurt regluverk væri sett utanum þá.

Brennuvargarnir í þessu tilviki eru eigendur og stjórnendur bankanna sem gjörsamlega brugðust því trausti sem þeir fengu upp í hendurnar. Stjórnvöld stjórn SÍ og Fjármálaeftirlitið fá algera falleinkunn í öllu þessu ferli.

Er í raun einhver glóra í því sem hefur verið gert undanfarin ár ?

Ríkið tapar milljörðum á veðlánum Seðlabankans

Stýrivextirnir eru að drepa fyrirtækin

Það þola engin fyrirtæki þessa háu vexti sem eru á Íslandi í dag. Það er með algerum ólíkindum hversvegna stýrivextir eru ekki lækkaðir strax. Það þarf bæði að lækka Stýrivexti og breyta vísitölugrunninum til þess að lækka verðbólgu handvirkt.

Ríkisstjórnin fer kannski að hugsa um þessa aðgerð þegar flest fyrirtæki eru farin á hausinn á Íslandi.

 

3.500 fyrirtæki í þrot?

Háir stýrivextir eru della

Það væri betra að afnema öll gjaldeyrishöft og láta krónurnar sem erlendir aðilar eiga fara strax úr landi. Eftir því sem krónan styrkist fá útlendingarnir meira fyrir sínar krónur.

Ef við mundum afnema gjaldeyrishöftin væri líklegt að verðið á krónunni mundi lækka mikið í skamman tíma en byrja svo aftur að hækka. Þegar öll krónubréfin eru farin úr landinu þá tæki verðið á krónunni aðalega mið af því að inn og útflutningur væri í jafnvægi.

Nú þarf ríkisstjórnin að bretta upp ermarnar og lækka strax stýrivextina niður í 2-4 % og í kjölfarið breyta verðtryggingunni fyrir húsnæðislán þannig að þau taki bara mið af vísitölu húsnæðisverðs.

Ef vísitölugrunnurinn fyrir húsnæðislán tæki bara mið af húsnæðisverði þá mundi það virka sem bremsa á að húsnæðisverðið mundi hækka upp úr öllu valdi eins og gerðist undanfarin ár.

Einhver örugustu veð sem fjármálastofnanir hafa fengið í gegnum tíðina er veð í fasteignum þannig að það liggur bara beint við að taka einungis mið af verðbreytingum fasteignanna.

Ég gæti trúað því að við séum að borga útlendingum sirka 8 milljarða í vexti fyrir janúar.  Það er verið að tala um núna að skera niður í td. heilbrigðiskerfinu fjárhæðir sem eru aðeins hluti af vaxtagjöldunum sem við erum að greiða í janúar.

Einnig fara þessir háu vextir aftur út í neysluna sem svo aftur hækkar verðbólguna. Það þola engin fyrirtæki þessa háu vexti. 

 LÆKKIÐ VEXTINA STRAX OG SPARIÐ PENINGA

 

 

 

Veik staða krónu meginástæða hárra stýrivaxta

Lækkið stýrivextina og sparið tugi milljarða

Eg er marg búin að benda á að ríkið þarf ekki að greiða þennan vaxtakostnað. Ef stýrivextirnir verða lækkaðir niður í 2 % þá myndi ríkið spara tugi milljarða.

Í dag erum við aðalega að greiða útlendingum þessa háu vexti en þeir eiga um 500 milljarða kr hér á innlánsreikningum og í ríkisskuldabréfum. 

Það er búið að setja hindranir á gjaldeyrisútflutning þannig að óþarfi er að hafa vextina svona háa.

Ég legg til að verðbólgunni verði handstýrt niður með því að breyta reiknigrunninum sem reiknar út vísitöluna og vextirnir lækkaðir í kjölfarið niður í 2 %

Hvaða vit er í núverandi vaxtastefnu ríkistjórnarinnar eða er yfirleitt eitthvað vit í þvi sem stjórnvöld eru að gera ?

Vextir 22% af skattfé

Hár fjármagnskostnaður er orsök verðhækkunar

Orsökin vegna þessarar hækkunar er aðalega vegna veikingar krónunnar og hárra vaxta á lánum.

Fjármagnskostnaður er mjög hár hér þegar stýrivextir eru 18 % Það er aðalega þessi kostnaður sem hefur orsakað það að afkoma RARIK er neikvæð.

Ég mæli með því að ríkisstjórnin lækki stýrivextina niður í 2 %

Það þola engin fyrirtæki til lengdar að fjármagna sig á þessum kjörum. Að halda vöxtum svona háum þíðir í raun að verið er að kynda undir verðbólgunni. Vaxtabyrgðin fer út í verðlagið sem aftur hækkar neysluvísitöluna sem svo hækkar verðbólguna.

Einnig erum við að borga erlendum aðilum sem eiga krónur á Íslandi (jöklabréf) fáránlega háa vexti.

Væri ekki ráð að spara ríkinu vaxtagjöld sem nema tugum milljarða með því að lækka stýrivexti ?

 

Orkuverð RARIK hækkar um 7-14%

Duglaus ríkisstjórn

Það er erfitt að greina eitthvað jákvætt sem kemur frá ríkisstjórninni og lítil skynsemi virðist vera í flestu sem þaðan kemur.

Þegar bæði laun og fasteignaverð eru að lækka þá ákveður stjórnin að hækka skatt á neysluvörur sem strax hækkar verðbólguna.

Yfirleitt fylgist að launa og verðbólguhækkanir en það er ekki tilfellið núna.

Ef einhver ráðamaður les þessi orð hér þá vil ég gefa þeim ráð.

Það þarf að lækka stýrivexti STRAX niður í 2 % Í dag erum við að borga tugi milljarða í vexti til útlendinga vegna þessa háu stýrivaxta. 

Það þarf einnig að lækka verðbólguna með handafli með því að breyta stillingum á vísitölugrunninum.

Það gengur ekki að íbúðarlán fólks hækki um sem nemur  mánaðarlaunum í hverjum mánuði. Núna þurfa bæði fjármagnseigendur og lántakendur að bera ábyrgðina saman.

Hvað þarf að gerast til þess að stjórnvöld fari að gera eitthvað af viti hér ? Er það skynsamlegt að borga erlendum krónubréfaeigendum tugi milljarða vexti þegar hægt er að komast hjá því með því að lækka stýrivextina.

 

 

 

 

 

 

Verðbólgan mælist 18,1%

Hver á þessa banka í Luxemborg ?

Á ekki íslenska ríkið bankanna  í Lúxemborg. Getur eigandi bankanna ekki fengið upplýsingar um hvarnig starfsemin hefur farið þar fram án þess að tala nokkuð við fjármálaeftirlitið í Lúxemborg ?

Ég svo sem veit ekki nákvæmlega hvernig reglur eru um þessa banka en maður hefði ætlað að eigandinn hefði aðgang að öllu draslinu. 

 

Fjármálaeftirlitið í Lúxemborg vill veita upplýsingar

Aflétta á bankaleynd

Það þarf að aflétta bankaleynd með lagabreytingu. Eftir hrun bankanna er nauðsynlegt að rannsaka hvernig viðskiptin fóru fram í bönkunum og því þarf að gera þetta strax.

Hverja er verið að vernda með bankaleyndinni ? Nú verða öll kurl að koma í ljós og því er ekki boðlegt að hægt sé að fela sig á bakvið bankaleynd.

Glitnir semur nýjar lánareglur

Samræma þarf aðgerðir til lausnar krísunnar.

Þegar náttúruhamfarir verða á Íslandi er til áætlun um hvernig eigi að bregðast við. Þá er sett upp stjórnstöð til þess að samræma aðgerðir og hæfustu  sérfræðingar fengnir til að koma að málum. Efnahagshruninu hér má að sumu leyti líkja við náttúruhamfarir slíkur er vandinn.

Margir eru að spyrja sig sömu spurninganna en fá engin svör. Spurninga eins og hvar eru peningarnir sem voru inni á IceSave reikningunum og hvað er mikið til uppí  kröfur. Stjórnvöld upplýsa almenning lítið um gang mála og til hvaða úrræða eigi að taka.

Talað er um að allar tillögur séu vel þegnar en hverjir eru að vinna úr öllum þeim tillögum sem fólk er að koma með á blog síðum og öðrum miðlum ?

Þarf ekki að setja upp stjórnstöð svipaða og sett er upp þegar náttúruhamfarir verða og allir hæfustu sérfræðingar landsins kallaðir til. Þangað ætti almenningur að geta lagt inn tillögur og sérfræðingarnir farið yfir og metið kosti og galla.

Er ekki komin tími til að samræma aðgerðir í slíkri stjórnstöð og leifa almenningi að fylgjast mikið betur með því sem er að gerast. Það gengur ekki lengur að stjórnvöld séu að pukrast í myrkrinu án þess að upplýsa okkur um stöðu mála.

Ef óveður orsakar það að rafmagnslína fer í sundur er strax kallað í sérfræðinga til þess að koma rafmagninu á aftur sama hvað veðrið er vont og skilyrðin erfið. Menn loka sig bara ekki af og spá í væntanlega viðgerð í rólegheitunum og hvernig hún eigi að vera framkvæmt og hvenær hún á að vinnast. Það er strax kallað á allan þann mannskap sem þarf til að koma rafmagninu á aftur. Svona vinnubragða þurfa stjórnvöld að grípa til núna.

Nú þurfa sérfræðingar landsins að fara í stjórnstöðina og koma með tillögur til þess að bjarga okkur út úr þessari krísu. Stjórnvöld virðast ekki ráða við þetta.

Ruglandi umræða

Ef það er satt að eignir gamla LI séu langt umfram skuldir hvað er þá vandamáli ? Þá ætti ekki  að vera neitt mál að borga upp alla innistæðureikninga í bretlandi. Ég veit að stór hluti af eignum bankans er í formi útlána sem er að mjatlast inn á mörgum árum. Þetta eru hús og bílalán sem íslendingar skulda td. 

Mig grunar nú að eignastaða gamla LI hafi verið ansi mikið ofmetin og eignir dugi ekki fyrir skuldum. Ef það er ekki raunin þá sé ég ekki hvað vandamálið er.

Segja að eignir hafi verið umfram skuldir